गुरुङ भाषाको शब्द ‘मिर्सा’को अर्थ आध्यारो अथवा लुकेको भन्ने हुन्छ । कुनामा लुकेको गाउा भएकाले त्यसो भनिएको होला ! अन्नपूर्ण दोस्रो र चौंथो हिमालको उज्यालोमा झलमल्ल छ मिर्सा (१,५०० मिटर) । कास्कीको माछापुच्छ्ेर गाउापालिका–१० लाई मिर्सा भनिन्छ । जहाा ४५ घर छन् । गुरुङ बाहुल्य गाउामा परियार, विक र भुजेलका केही घर छन् । मिर्साबाट कोर्चुङ हुादै मर्दि हिमाल पदयात्रा गर्न सकिन्छ । त्यहााबाट माछापुच्छ्ेर हिमालको बक्षस्थल पिपर पुगिन्छ । पिपरमा एकै ठाउा ८ किसिमका कालीज पाइन्छ । धेरै वर्ष अघि पर्यटनविद् झलक थापाले पिपरमा कालीज अध्ययन गरेर तथ्य पत्ता लगाएका । बसञ्त ऋतुमा तालमा पानी खान आएका जनावर र चरा देखिन्छ । गाउाबाट क्याम्पिङ गर्दै माछापुच्छ्ेर बेस क्याम्प पुग्न सकिन्छ । गाउालेको करेशाबारीमा तरकारी लहलह देखिन्छ । सफा घर, आागन, गोरेटा । गाउामा २०६९ देखि १८ घरमा होमस्टे गराउन थालिएको छ । जहाा मार्सि धानको भात, सिमीको दाल र अग्र्यानिक सब्जी पाक्छ । टुसा, न्यूरो, कुरिलोको तरकारीका साथै लोकल कुखुराको मासु पाक्छ । गाउाबाट भााग्रा र राडीपाखि कोसेली ल्याउन सकिन्छ । कसरी पुग्ने : काठमाडौं–पोखरा २०० किमि । पोखराको जिल्ला शिक्षा कार्यालय छेउ बगरबाट २२ किमिमा खारपानी । पोखराबाट सााझ ५ बजेसम्म खारपानी जाने बस छुट्छन् । बगरबाट लामाचौर, अकला मन्दिर हुादै खारपानी पुगिन्छ । खारपानीबाट सेती तरेर मिर्सा पुग्न आधा घन्टा उकालो चढ्नु पर्छ ।

सम्पर्क:
मिर्सा सामुदायिक होमस्टे, कास्की
सूर्य गुरुङ–९७५६०००२२८
बुद्धिकुमारी गुरुङ–९८१७१५२६४७